Владимир Доневски е адвокатот што ќе го застапува Артан Груби во случајот „Лотарија“, дознава „Република“. Тој веќе се ангажирал за неговиот клиент кој во моментов се наоѓа на Косово, наводно поради приватни причини. 

„Република“ стапи во контакт со Доневски кој рече дека брза на судење и не може да ни потврди дали е застапник на Груби.

Според нашите сознанија, Доневски веќе се фатил за работа и вчера бил во Кривичниот суд за да се произнесе на барањето на Обвинителството за одредување на притвор за Груби. Адвокатот наводно му предочил на судијата на претходна постапка дека Груби е подготвен да се врати во Македониј доколку мерката притвор биде заменета со поблага како што е одземење на патните исправи.

Одлуката на судијата за Груби се очекува денеска. Инаку Доневски е познат во јавноста како поранешен застапник на Драги Рашковски.

Секој што згрешил мора да одговара, денес или утре тоа ќе биде, изјави Меџити. 

Пораката е дека никој не е над законот. Секој што згрешил мора да одговара, вели првиот вицепремиер и министер за животна средина Изет Меџити, прашан за коментар за случајот со корупција во Државна лотарија.

Меџити, одговарајќи на новинарски прашања по настанот за засадување на дрвца кај новиот Мега Парк во општина Карпош, рече дека се „согласува со евроамбасадорот“ дека треба да оставиме МВР, судството и обвинителството да се занимаваат со случајот.

– Слушнав и јас. Но, се согласувам со евроамбасадорот дека треба да оставиме на органите на прогон, односно на МВР и судството и обвинителството да се занимаваат со случајот. Битно е што пораката е дека никој не е над законот. Секој што згрешил мора да одговара, денес или утре тоа ќе биде, изјави Меџити.

Евроамбасадорот во земјава Михалис Рокас, без коментар за случајот со корупција во Државната лотарија, нагласувајќи дека треба да оставиме правдата да зборува сама за себе.

-Во оваа фаза немаме никаков коментар. Да дозволиме на самото судство и јавното обвинителство во земјата да продолжат со истрагата. Мислам дека треба да оставиме правдата да зборува сама за себе, изјави Рокас.  

Курир

Сообраќајот за патнички возила се одвива по една коловозна лента, а товарните моторни возила се пренасочуваат кон Миладиновци, соопшти АМСМ.

Поради сообраќајна несреќа, сообраќајот на автопатот Миладиновци – Куманово, поточно кај рафинерија Окта – село Дељадровци за патнички возила се одвива по една коловозна лента, а товарните моторни возила се пренасочуваат кон Миладиновци, соопшти АМСМ.

Сообраќајот на државните патишта се одвива во зимски услови, по претежно суви коловози. Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.

Поради сообраќајна несреќа, сообраќајот на автопатот Миладиновци – Куманово, поточно кај рафинерија Окта – село Дељадровци за патнички возила се одвива по една коловозна лента, а товарните моторни возила се пренасочуваат кон Миладиновци, соопшти АМСМ.

Сообраќајот на државните патишта се одвива во зимски услови, по претежно суви коловози. Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.