Под покровителство на премиерот Христијан Мицкоски денеска ќе се потпишат сепаратните договори меѓу АД ЕСМ и Банкарска група KfW – германска јавна финансиска институција за поддршка на претприемништвото и на малите и средните претпријатија.
АД ЕСМ со поволен кредит од германска развојна KfW Банка, почнува нов циклус инвестициски проекти во обновливи извори на енергија.
Станува збор за изградба на фотоволтаичната електроцентрала „Битола 2“ и реализацијата на втората фаза од изградбата на ветерниот парк „Богданци“.
Средствата за овие два значајни проекти во износ од 55.000.000 евра се обезбедени преку заем со државна гаранција потпишана од Министерството за финансии по исклучително поволни услови, со рок на отплата од 15 години и вклучен грејс период од 5 години.
По потпишувањето, прес-конференција за медиуми ќе одржат премиерот Мицкоски и Мориц Реме, регионален директор на канцеларијата на германската КфВ банка за Скопје и за Приштина.
