Македонија продолжува да привлекува се повеќе посетители, а туристичкиот сектор е еден од приоритетите на Владата, истакна премиерот Христијан Мицкоски. Според последните податоци на Државниот завод за статистика, во 2025 година земјата забележа зголемување на вкупниот број туристи за 6 проценти во однос на претходната година.
Особено охрабрувачки е растот кај странските туристи, кој достигна 10,3 проценти, додека домашните посетители забележаа благо намалување од 2,2 проценти. Мицкоски нагласи дека бројот на преноќувања се приближува до 3,5 милиони, што го оценува како значаен показател за развојот на секторот.
„Продолжуваме со организирани посети на Македонија од групи туристи и очекуваме идниот период двоцифрен раст кај странските посетители. Паралелно, вложуваме во реновирање и изградба на сместувачки и угостителски капацитети. Целта ни е да стигнеме до пет милиони преноќувања“, рече премиерот.
