Важно известување за сите возачи во Македонија

Од утрово се укинати забраните за тешки товарни возила на повеќе патни правци низ Македонија, кои беа воведени вчера поради врнежите од снег.

Според информации од Авто мото сојузот на Македонија, сообраќајот на државните патишта се одвива по претежно влажни коловози, додека на некои повисоки места во западните и југозападните региони има остатоци од кашест снег на коловозот, по интервенција на дежурните екипи на Македонија пат.

Укинати се забраните на следните патни правци: Битола – Ресен преку планинскиот превој Ѓавато, Ресен – Охрид преку планинскиот превој Буково, Струга – граничен премин Ќафасан и Гостивар – Кичево преку планинскиот превој Стража.