Connect with us

Скопје

Претседателката на Форумот на жени на АА-Чаир се дистанцира од Таравари

Претседателката на Форумот на жени – огранок Чаир, Теута Рамадани Џафери, се дистанцира од последните дејствија на Арбен Таравари, претседател на фракцијата што таа претходно ја поддржуваше.

Освен дистанцирањето, таа упати и критики кон Таравари, наведувајќи дека тој воопшто не го поканил Форумот на жени, ниту пак неа како претседателка, на отворањето на седиштето на оваа партија во Чаир.

Вистината нема потреба од дозвола за да се каже.

Се отвори новото седиште на Алијансата за Албанците во Чаир, но без мое присуство, како и без присуството на Форумот на жени од огранокот Чаир.

Мојот бојкот не беше чин на тишина, туку на совест.

Бидејќи не можам да молчам пред патот што нè води кон прегратка со партија против која политички се колневме дека ќе ја испратиме во опозиција.

Овој пат нема ништо заедничко со визијата на Арбен Џафери, а уште помалку со жртвата на стотици активисти кои со години ѝ останаа посветени на Алијансата.

Нашето разделување со Зијадин Села се случи токму поради оваа причина – затоа што одлучи да соработува со ДУИ. И трагично е што по целата таа битка, денес ја доживуваме истата приказна, само со друга рака што нè турка во иста бездна.

На последниот состанок на огранокот, ни беше кажано јасно: „Кој ја облекол партиската униформа, нека остане. Кој не – вратата е отворена.“ И тоа го кажа токму оној што некогаш молеше пред врата за да се приближи до огранокот, и оној чие политичко влијание постои само во зборови и празни ветувања, колку да ја постигне својата цел. Тешка иронија што покажува како личната моќ може да проголта цела организација.

Не сум тука од инает, туку од убедување. Не се повлекувам поради поединец, туку поради едно извртување што повеќе нема никаква врска со Алијансата што ја градев заедно со стотици други во Чаир.

Од денес, мојот став е јасен: мојата политика се лоцира таму каде што ми е дадена довербата — во Чаир. Со граѓаните, со жените од оваа заедница, со младите кои сè уште веруваат во една Алијанса што не се продава за лични интереси.

Со почит,

Теута Џафери (Претседателка на Форумот на жени – огранок Чаир)

Advertisement

Скопје

„Зелен хуман град“ бара забрана за огномети во Скопје: Токсичните честички и бучавата сериозно го загрозуваат здравјето и безбедноста на луѓето и животните

skopje

Граѓанската иницијатива „Зелен хуман град“ предлага забрана за употреба на огномети во Скопје, потенцирајќи дека традиционалните прослави и забави со експлозивни материи со децении го загрозуваат здравјето на луѓето, животната средина и безбедноста на животните.

„Огнометите ослободуваат големи количини ПМ 2,5 и ПМ 10 честички, токсични гасови како CO, SO₂, NOx, како и тешки метали – бариум, бакар, стронциум и олово. Овие супстанции загадуваат воздух, вода и почва, а најранливите групи, како деца, бремени жени и лица со хронични респираторни или кардиоваскуларни заболувања, се директно погодени“, велат од иницијативата.

Тие предупредуваат дека огнометите предизвикуваат и сериозни психолошки реакции кај луѓето: анксиозност, панични напади, флешбекови кај лица со посттрауматски стрес, сензорни колапси кај луѓе со аутизам, како и ризик од епилептични напади кај лица со фотосензитивна епилепсија.

Последиците врз животните се исто така драматични. „Околу 70–75% од домашните миленици доживуваат силен страв, тресење, паника, обиди за бегство и повреди. Кај дивите животни се забележани масовни повреди, особено кај птиците, како и висок стрес, дезориентација и смрт“, додаваат од „Зелен хуман град“.

Иницијативата потсетува дека Законот за заштита од експлозивните материи веќе предвидува забрана за употреба на огномети без дозвола и стручно лице, но законот ретко се почитува на терен.

„Ги повикуваме сите советнички групи во Советот на Град Скопје да ја поддржат оваа иницијатива и да покажат дека здравјето на луѓето и животните, особено на најранливите жители на Скопје, е приоритет“, заклучуваат од „Зелен хуман град“.

Continue Reading

Скопје

Виртуелно патување низ Кисела Вода – првата скопска општина со дигитална прошетка

Општина Кисела Вода влегува во новата дигитална ера, поставувајќи нов стандард за локална самоуправа.! Со лансирањето на спектакуларниот 360° виртуелен проект, наречен „Општина Кисела Вода НА ДЛАНКА – 360°“, таа стана првата скопска општина која доби ваква целосна, реална и интерактивна презентација.

Овој модерен дигитален потфат ја трансформира општината во достапен виртуелен простор. Граѓаните, учениците, но и сите посетители и туристи, сега имаат уникатна можност виртуелно да „прошетаат“ низ Кисела Вода, истражувајќи ги нејзините најзначајни точки – од образовни и културни центри, до спортски терени и духовни локации.

Со над 500 панорами снимени и од воздух и од земја, поврзани во беспрекорна интерактивна прошетка, корисниците добиваат реалистично искуство, комплетирано со сите релевантни информации за секоја локација.

Од Општината истакнуваат дека оваа иновативна алатка има далекусежни последици.

Проектот претставува едукативен пресврт. Учениците сега можат да ја користат виртуелната прошетка за полесно разбирање на содржините по историја, географија и други предмети – учењето никогаш не било поинтерактивно.

Од туристички аспект, „Кисела Вода НА ДЛАНКА“ е моќна промотивна алатка. Потенцијалните посетители сега можат однапред да ја истражат целосната понуда на општината, што создава силен потенцијал за привлекување нови туристи.

Со овој проект, Кисела Вода ја докажува својата посветеност кон иновациите и транспарентноста, ставајќи го секое ќоше од општината буквално во рацете на своите жители и гости.

Видеото може да го погледнете на: Facebook

Continue Reading

Скопје

Дел од Сарај и високата зона во Ѓорче Петров денес без вода

Како што информираат од ЈП „Водовод и канализација“ – Скопје, денеска е регистриран прекин во водоснабдувањето за повеќе населени места.

Прекинот е предизвикан од дефект на затворач со пречник Ф-350 мм на улица 20 во населбата Сарај. Прекинот ќе трае од 07:30 часот до целосно санирање на дефектот.

Без вода ќе останат корисниците од следниве населени места во Општина Сарај: Лака, Крушопек, Грчец, Шишево, Глумово, Горна и Долна Матка, Арнакија, Љубин и Сарај

Исто така, прекинот ги зафаќа и високите зони, односно повисоките катови на зградите во населбата Ѓорче Петров.

Continue Reading
Advertisement

Advertisement

Advertisement
Advertisement

Advertisement

Advertisement

Advertisement

Advertisement

Advertisement

Advertisement

Трендинг