Генералниот секретар на НАТО, Марк Руте, денес изјави дека рускиот претседател Владимир Путин направил грешка што не испратил делегација на повисоко ниво на мировните преговори во Истанбул.
„Путин направи грешка кога испрати делегација на пониско ниво. Топката сега е во неговиот двор. Тој мора сериозно да се заложи за мир, и целиот притисок е ставен на него“, изјави Руте пред новинарите пред самитот на Европската политичка унија во Тирана.
Од друга страна, Руте истакна дека е позитивно што претставниците на Украина седнаа на преговарачка маса и што Киев испрати соодветна делегација за мировни преговори. Тој ја поздрави и улогата на САД, како и напорите на американскиот претседател Доналд Трамп за помош во деблокирањето на ситуацијата во поглед на преговорите меѓу Украина и Русија, пренесува Танјуг.
