Изјавата на кандидатот на ДУИ за општина Чаир, Бујар Османи, денеска предизвика полемики во јавноста. За време на прес конференција, тој директно се осврна на граѓаните на Северна Македонија, поврзувајќи ги со земањето бугарски пасоши.
Османи беше прашан од новинарите за прашањето околу блокадите и тензиите со Бугарија. Во својот одговор тој истакна дека не треба да се заборави фактот дека илјадници македонски граѓани со години самоволно аплицирале и добивале бугарско државјанство, редовно патувајќи кон Софија.
„Парадоксално е да зборуваме за одбивање или несогласување, кога реалноста е дека македонските граѓани сами одат во Софија за да земат бугарски пасоши“, рече Османи, додавајќи дека тоа укажува на една комплексна ситуација која не може да се реши само со политички изјави.
