Турција ги интензивира разговорите со западните сојузници за модернизација на своето воено воздухопловство, во обид да ја врати стратешката предност во регионот, пренесува Ројтерс.
Анкара, членка на НАТО со втората најголема армија во алијансата, сака да набави 40 европски авиони „Eурофајтер Тајфун“, како и американски F-16 и F-35, и покрај санкциите на САД поради купувањето на рускиот систем S-400.
Во услови на зголемена тензија на Блискиот Исток и раст на грчката воена моќ, турските власти стравуваат од технолошко заостанување и ранливост на својата воздушна одбрана.
Според Ројтерс, Турција е блиску до договор со Велика Британија и неколку европски партнери за купување 12 половни авиони од Катар и Оман, како привремено решение додека се чекаат новите летала.
Ердоган ќе ја отвори темата за време на посетите на заливските земји, а завршните преговори со британските и германските лидери се очекуваат до крајот на месецот.
Анкара исто така се надева повторно да влезе во американскиот програм за F-35 и размислува да побара изземање од санкциите (CAATSA).
Во меѓувреме, Турција развива сопствен стелт ловец „КААН“, но признава дека ќе бидат потребни години пред да може да ги замени сегашните F-16 авиони – клучниот столб на турската авијација.
Модернизацијата е дел од поширока стратегија за создавање „челична купола“ и зајакнување на противвоздушната одбрана, која, според воените експерти, сè уште не е на задоволително ниво.
