Хаос во Албанија: Поплавите го погодија северот и југот, едно лице загина
По обилните дождови што ја погодија Албанија, околу 1.000 домови и над 1.500 хектари земјоделско земјиште се поплавени, стотици семејства беа евакуирани, а регистрирана е една жртва. Најпогодени се регионите Лежа, Пешкопеја, Фиер, Берат, Корча, Ѓирокастро и Валона, каде што речните текови и дождовите предизвикаа оштетувања на мостови и инфраструктура.
Армијата и службите за итни случаи се на терен, обезбедуваат евакуации, храна и зајакнување на насипи за да се спречат дополнителни катастрофи.
