Над педесет планинари од 10 градови од Македонија, Црна Гора и Германија денеска тргнаа кон врвот Пелистер за да го доживеат првото изгрејсонце во Новата 2026 година. Настанот „Први на Први“, кој годинава се организира по петти пат од страна на здружението „Олимпус Монс“ со поддршка на Општина Битола како дел од Зимската приказна, повторно собра љубители на природата и планинарството.
Планинарите, искусни и познати во регионот, се искачија под ведро небо, со ниски температури и полна месечина, уживајќи во прекрасниот поглед на снежната Баба Планина.
„Во мое лично име и во име на сите учесници од цела Битола и Македонија, Ви посакувам Среќна нова 2026 година“, изјави Иванчо Тошевски, организатор, претседател на планинарското здружение „Олимпус Монс“ и директор на НП Пелистер.
