Пет цистерни со фосфорна киселина излетале од шините синоќа на железничката пруга Ниш-Зајечар, помеѓу станиците Матејевац и Сврљиг, во близина на селото Врело, објави Радио и телевизија на Србија (РТС).
Компанијата „Железничка инфраструктура“ потврди дека ниту една цистерна не се превртела и дека нема лица во опасност.
Според најавите на компанијата, сообраќајот на пругата треба да биде целосно обновен до вечерва.
