Градоначалникот на Општина Битола, Тони Коњановски, денес го посети коледарскиот оган во Буковски Ливади, настан кој, како што истакна, претставува жив доказ за зачувувањето на македонските обичаи и празничниот дух.
Коњановски нагласи дека ваквите собири се место каде што се негува заедништвото и се пренесуваат традициите од генерација на генерација, потсетувајќи на значењето на културното наследство и идентитетот.
Тој упати честитки по повод празникот, посакувајќи огнот на заедништвото да продолжи да гори и во иднина, а коледарската традиција да се зачува како дел од препознатливиот дух на Битола.
