Во координација со граѓаните, екипите на ЈКП „Водовод“ од Битола интензивно работат на терен за санација на подрачјата погодени од поплави. Активностите се насочени кон село Логоварди, населбата Буковски ливади и улицата Бурса.
Од општината информираат дека се преземаат сите неопходни мерки за расчистување на наносите и обезбедување на нормални услови за жителите. Граѓаните се вклучени во помагањето на локалните екипи, со цел побрзо и поефикасно да се решат проблемите предизвикани од обилните врнежи.
