Јавното претпријатие „Комуна“ апелира до граѓаните на Крушево водата за пиење да се преврива најмалку 10 минути, поради заматување предизвикано од обилните дождови и поплавите во околните села.
Општината информира дека и денес продолжуваат активностите за санирање на штетите од поплавите. Екипите на ЈП „Комуна“ се присутни низ градот и во селото Милошево, работат на зголемена безбедност и нормализирање на сообраќајот.
Крушево е една од општините што претрпе најголеми штети од поплавите што ја погодија Македонија, а властите апелираат до граѓаните за внимателност, особено поради појава на мраз.
