Во текот на декември 2025 година, ЈП Комунална хигиена – Скопје значително ја засили контролата на одлагањето на отпадот низ градот. Еко-патролата на претпријатието не само што реализираше низа едукативни разговори со граѓани и стопански субјекти, туку и изрече дури 225 записници за неправилно фрлање отпад. Најмногу прекршоци беа забележани во општина Карпош, каде беа изречени 85 казни.
Истовремено, екипите на претпријатието подигнаа околу 13.000 тони комунален отпад од домаќинствата и јавните контејнери низ цел град. Повеќе од 2.200 кубни метри кабаст и градежен отпад беа исчистени од дивите депонии, што значително ја подобри хигиената во сите скопски општини
Од ЈП Комунална хигиена најавуваат дека активностите нема да запрат тука. Со комбинација од казни, контроли и едукативни мерки, претпријатието ќе продолжи да се бори против несовесното одлагање отпад, со цел да се подобри хигиената и да се намали појавата на диви депонии во сите скопски општини.
