Во Иран, антивладините протести – кои започнаа во декември 2025 година поради економската и политичката криза – продолжуваат да ескалираат, а настаните изгледаат сè потешки со секое ново видео што излегува на интернет, и покрај обидите на властите да го исклучат пристапот до мрежата.
На последните снимки кои кружат на социјалните мрежи и се споделуваат преку ограничени канали, може да се забележат сцени од демонстрации низ различни градови, каде што се слушаат скандирања против врховниот лидер и гласните повици за промена на режимот.
Според најновите информации од независни извештаи и странски медиуми, бројот на загинати лица во протестите надмина 500, вклучувајќи стотици демонстранти, а се пријавени и бројни повреди и апсења на илјадници граѓани.
Протестите, кои се одржуваат низ најмалку 16 ирански градови, привлечоа огромни маси од граѓани кои бараат економски и политички промени, вклучително критики кон врховниот лидер и владините политики.
Иако властите на Техеран најавија национален прекин на интернетот и ограничувања во комуникацијата, новите снимки сепак успеваат да излезат надвор од земјата, прикажувајќи демонстранти во масовни собири, скандирања и судири со безбедносните сили.
Овие видеа дополнително ја нагласуваат драмата на настаните и неизвесноста на ситуацијата, која продолжува да привлекува внимание и загриженост од меѓународната заедница.
ВИДЕОТО МОЖЕ ДА ГО ПОГЛЕДНЕТЕ ТУКА
