Рускиот претседател Владимир Путин најави привремен прекин на огнот во Украина по повод православниот Велигден, пренесуваат државните медиуми повикувајќи се на Кремљ.
Според најавата, примирјето треба да стапи во сила на 11 април во попладневните часови и да трае до крајот на 12 април. Во тој период, како што се наведува, руските сили ќе ги запрат борбените активности.
Од Кремљ посочуваат дека очекуваат и украинската страна да го почитува примирјето, со цел да се овозможи одбележување на големиот христијански празник во мир.
Засега нема официјална потврда дали украинските власти ќе го прифатат овој повик. Во изминатите години, слични обиди за велигденски прекин на огнот често беа нарушувани на терен.
…
