Во наредните денови до петок ќе преовладува стабилно и суво време низ целата земја, со можност за појава на утринска магла по котлините. Температурите ќе бележат постепен благ пораст, но утрата ќе останат студени.
Времето утре ќе биде претежно сончево со мала до умерена облачност. Ќе дува слаб до умерен ветер од западен и северозападен правец, а минималните температури ќе се движат од -7, додека максималните ќе достигнат до околу 10 степени.
Во Скопје се очекува сончево и мирно време со умерена облачност. Температурите ќе бидат во интервал од -6 до 7 степени.
За време на викендот се најавува промена на временските услови. Ќе има зголемена облачност со појава на слаби и локални врнежи од дожд, додека на повисоките планински подрачја се очекува снег. Со ова, дневните температури повторно ќе бидат во опаѓање, носејќи посвежо и понестабилно време.
