Во своето вечерно обраќање до нацијата, претседателот на Украина, Володимир Зеленски, изјави дека Киев не претставува пречка за мировниот процес и нагласи дека неговата земја е подготвена за дипломатски решенија.
Зеленски истакна дека во текот на денот имал телефонски разговор со генералниот секретар на НАТО, Марк Руте, во кој биле разменети мислења за активностите на дипломатски план со САД.
Изјавата доаѓа откако американскиот претседател Доналд Трамп вчера го обвини украинскиот лидер за забавување на можниот мировен договор, тврдејќи дека токму Киев, а не Москва, го одложува решавањето на најголемиот копнен конфликт во Европа по Втората светска војна.
