Сообраќајот на државните патишта се одвива без поголеми застои, но по претежно влажни коловози, информира АМСМ.
Поради појава на магла, значително е намалена видливоста на повеќе патни правци. На планинскиот премин Плетвар таа изнесува до 100 метри, во Крушево и на Стража до 50 метри, во Маврово до 40 метри, на патниот правец Штип – Неготино (кај Серта) до 50 метри, како и на правецот Тетово – село Лисец, каде што видливоста е намалена до 30 метри.
Надлежните апелираат возачите да бидат внимателни, да ја прилагодат брзината и да држат поголемо растојание меѓу возилата.
