Денеска попладне на Средно Водно се случи конфузија и расправија помеѓу посетители и вработени на жичницата на Водно. Причината беше тоа што жичницата направи пауза во работа во недела, токму кога имаше многу луѓе и гужва пред кабините.
Иако на таблата пишува дека паузите се прават само во работни денови, вработените рекле дека за нив и недела е работен ден, па затоа правеле пауза кога имало помалку луѓе. Ова налутило дел од посетителите – особено оние со мали деца – кои се пожалиле дека немало претходно објавено дека ќе има пауза, што направило чекање и незадоволство.
Вработените додале дека инструкции за паузата ги добиваат од колегите на врвот на Водно.
Дополнително, повторно беа уништени транспортери за миленици, што според ЈСП се резултат на несовесно однесување на граѓани кои влегуваат поголеми кучиња во мали транспортери.
Жичницата, освен оваа пауза, не работи во понеделник и тоа ќе важи и утре, и покрај продолжениот викенд
