Камчатка, Русија – Ситуацијата со снегот во рускиот регион Камчатка оваа зима е оценета како екстремна, откако рекордни снежни врнежи целосно ги затрупаа градовите и населбите.
На социјалните мрежи се појавија видеа и фотографии на кои се гледаат згради закопани до прозорците, улици претворени во снежни тунели и автомобили кои едвај се забележуваат под дебели слоеви снег.
Камчатка буквално е „погребана под снег“.
Локалните власти прогласија вонредни мерки и работат на расчистување на патиштата и пристапите до болниците и критичната инфраструктура, додека жителите се соочуваат со сериозни проблеми во секојдневниот живот.
Метеоролозите предупредуваат дека вакви екстремни снежни бури се редок, но опасен феномен, кој носи ризик од лавини, прекин на струја и целосна изолација на цели населени места.
Оваа зима Камчатка ја доживува како една од најтешките во последните децении.
ВИДЕОТО МОЖЕ ДА ГО ПОГЛЕДНЕТЕ ТУКА
