ТЕТОВО – Поради планирани технички зафати на електродистрибутивната мрежа, во среда (25 март 2026 година) делови од Тетово и околните населени места ќе останат без електрична енергија во одредени временски интервали.
Според најавите, во периодот од 09:00 до 14:00 часот, без струја ќе бидат делови од градот Тетово, вклучително и објекти во близина на САГА, како и објекти на ЗИК Ладилник и ЗИК Млекара. Исто така, прекин ќе има и на улицата „Штипска“, на потегот од затворот кон Теќе.
Во истиот термин, од 09:00 до 14:00 часот, без напојување ќе останат и делови од селото Челопек, поточно делови од Долни Челопек, додека од 09:30 до 14:00 часот прекин ќе има и во делови од Горни Челопек, особено во околината на Горната џамија.
Дополнително, во периодот од 08:30 до 15:30 часот, планирани прекини се најавени и во селата Слатино, Варвара и Лешок.
Од надлежните апелираат граѓаните навреме да ги прилагодат своите обврски и да преземат соодветни мерки за заштита на електричните уреди.
Електродистрибуција информира дека прекините се неопходни за подобрување на квалитетот и сигурноста на снабдувањето со електрична енергија.
…
