На социјалните мрежи повторно оживеа историјата на Пиринскиот дел на Македонија, откако страницата „Ценностите на Петрич“ објави ретко видео со фотографии од Петрич од 1900 година, дополнето со музика која ја доловува атмосферата од тоа време.
Објавата, која собра стотици реакции и споделувања, прикажува автентични кадри од градот каков што бил пред повеќе од еден век – калдрмисани улици, стари куќи, чаршии и луѓе кои го живееле секојдневието во едно сосема поинакво време.
Авторите на видеото им се заблагодаруваат на Тодор Тараков и Људмил Ангов за нивниот придонес во зачувувањето на овие вредни историски материјали, кои денес претставуваат вистинско богатство за културната меморија на регионот.
„Ова е непроценлив подарок за сите што сакаат да ја почувствуваат душата на Петрич од пред 120 години“, стои во описот на објавата, која ги потсетува гледачите на заедничката историја, култура и идентитет на регионот.
Видеото е своевидна временска машина што ги поврзува генерациите и покажува колку е важно да се зачува историското наследство – не само како спомен, туку како жив дел од колективната меморија на народот.
ВИДЕОТО МОЖЕ ДА ГО ПОГЛЕДНЕТЕ ТУКА
