Во Тирана, Албанија, масовниот протест организиран од опозициската Демократска партија против владејачката гарнитура ескалираше во насилни судири со безбедносните сили, откако демонстрантите фрлаа молотови коктели, пиротехнички средства и друг објект кон владините институции, јавуваат странските и регионалните медиуми.
Протестот, кој започна со собир на несколку илјади граѓани пред владината зграда, бргу премина во конфликтни сцени со полицијата, која одговори со водени топови и солзавец со цел да ја растера толпата и да спречи понатамошно насилство.
Според очевидци и медиумски извештаи, демонстрантите исто така се обидоа да се приближат до зградата на парламентот, а во текот на немирите неколку полицајци и протестанти биле повредени и добиле медицинска помош, а дел од учесниците биле приведени за понатамошни постапки.
Лидерот на Демократската партија, Сали Бериша, во својот говор остро ја нападна владата на премиерот Еди Рама, обвинувајќи ја за корупција, криминал и „заробување на државата“, додека демонстрантите бараа оставка и политички промени.
Ситуацијата останува нестабилна, со најава од опозицијата дека протестите ќе продолжат додека не им се исполнат барањата за политичка одговорност и промени во владеењето.
ВИДЕОТО МОЖЕ ДА ГО ПОГЛЕДНЕТЕ ТУКА
