Берлин – Германската федерална влада понуди награда од еден милион евра за информации што ќе доведат до апсење на одговорните за саботажа на берлинската електрична мрежа, која остави десетици илјади домаќинства без струја и греење, објави ДПА.
Министерката за внатрешни работи на Берлин, Ирис Шпрангер, оцени дека нападот е „терористички акт“ и го опиша износот на наградата како „уникатен“. Саботажата се случи претходно оваа година, кога високонапонските кабли беа запалени, оставајќи околу 45.000 домаќинства без електрична енергија повеќе од четири дена, при температури под нулата – најдолгото затемнување на градот од Втората светска војна.
Нападот го отвори прашањето за заштита на клучната инфраструктура и подготвеноста на градските власти за справување со кризи. Властите сметаат дека зад саботажата стои група левичарски активисти, но досега не се уапсени осомничени.
