Претседателот на Србија, Александар Вучиќ, повторно ја нагласи посветеноста на земјата кон европската интеграција, истакнувајќи дека „Србија останува на европскиот пат“. Во контекст на неодамнешната посета на делегација од Европскиот парламент во Белград, Вучиќ не штедеше критики, опишувајќи ги членовите на делегацијата како „неважни луѓе, кои се неважни во своите земји, а важни само за нашата опозиција“.
Претседателот упати и остра порака кон домашната опозиција, обвинувајќи ја дека постојано работи против интересите на државата.
Во рамките на засилувањето на напорите за европска интеграција, Вучиќ предложи формирање на помал оперативен тим кој ќе се фокусира исклучиво на процесот на приклучување кон ЕУ и ќе го информира секојдневно за напредокот на Србија на овој пат.
