Поради изведување на бајпас на новата водоводна линија на улицата „Јордан Златановски“, денеска е прекинато снабдувањето со вода за пиење во градот Тетово. Од ЈКП „Шар“ информираат дека екипите се на терен и работат континуирано со максимален капацитет со цел што побрзо да се санира дефектот и да се воспостави редовното водоснабдување. Надлежните апелираат до граѓаните за разбирање и трпение, нагласувајќи дека водоснабдувањето ќе се нормализира веднаш по завршување на интервенцијата.
