Обилните врнежи од дожд што го зафатија струмичкиот регион предизвикаа излевање на локалната река во атарот на село Муртино, при што беа поплавени пластеници, како и повеќе домови и помошни простории. Жителите велат дека водата нагло надојде откако, како што посочуваат, „се скина реката“, по што навлезе во дворовите и куќите. Засега нема информации за повредени лица, а надлежните служби ја следат состојбата на терен.
