Златото го достигна врвот – за прв пат во историјата, цената на овој скапоцен метал надмина 5.000 долари за унца. Само во првите 26 дена од годинава, вредноста на златото се зголеми за околу 15%, продолжувајќи го силниот раст од рекордната 2025 година кога цената скокна за 65% – најголемиот годишен пораст од 1979 година.
Инвеститорите го гледаат златото како традиционално безбедно засолниште во услови на економска неизвесност и нестабилни пазари. Овој бран на побарувачка е подгреан од послабиот американски долар, инфлацијата која надмина очекувањата, проценките за дополнително намалување на каматните стапки од страна на Федералните резерви, како и активно купување од страна на централните банки ширум светот.
Во неделата навечер, цената на златото се искачи за 1,4%, достигнувајќи 5.058 долари за унца.
Не заостанува ниту среброто. Цената на среброто скокна за 4,5%, достигнувајќи 107,8 долари за унца и продолжувајќи го својот најсилен раст од 1979 година, кога забележа фантастични 141% пораст.
