Данската ракометна репрезентација со доминантна партија против Норвешка (38-24) ја потврди првата позиција во групата и дефинитивно го расчисти распоредот за полуфиналните пресметки на Европското првенство.
Во дуелот меѓу скандинавските селекции, Данска од самиот почеток ја наметна својата игра и без поголеми проблеми стигна до висока и заслужена победа, оставајќи ја Норвешка без шанса за изненадување.
Иако беше познато кои четири селекции ќе се борат за медали уште пред последното коло од главната фаза, токму овој натпревар го одреди конечниот распоред на полуфиналните дуели. Данска, како првопласирана, ќе се соочи со Исланд во борбата за финале, додека во вториот полуфинален натпревар ќе играат Хрватска и Германија.
Во мечот за пласман, Шведска ја совлада Швајцарија со убедливи 34-21 и ќе разигрува за петтото место на шампионатот.
Полуфинале:
Данска – Исланд
Хрватска – Германија
