Градоначалникот на Општина Битола, Тони Коњановски, присуствуваше на манифестацијата „Спортисти на годината 2025“, на која двајца спортисти од Битола добија највисоки национални признанија. На настанот, заедно со секретарот на Општина Битола Борче Димитровски и претседателот на Советот Бојан Бојкоски, Коњановски им честиташе на добитниците за нивниот успех.
Боксерот Ален Рустемовски беше избран за спортист на годината во Македонија, додека Адријан Рустемовски ја доби наградата за млад спортист на Македонија. Со овие признанија, Битола уште еднаш ја потврди својата улога како значаен спортски центар во државата.
Коњановски истакна дека ваквите успеси се резултат на континуираната поддршка за спортот, посочувајќи дека изградбата на боксерската сала е вистинска и долгорочна инвестиција на Општина Битола во младите и во спортската инфраструктура.
Годинава, по 71 пат беа доделени наградите за најдобрите спортисти, тренери и екипи во Македонија за 2025 година, а во рамки на настанот беа доделени и 500 стипендии „Спортска надеж“.
Манифестацијата беше организирана од Министерството за спорт и Сојузот на спортски федерации на Македонија.
