Првата дама на САД, Меланија Трамп, е во центарот на вниманието со премиерата на својот документарен филм „Меланија“, кој го следи нејзиниот живот пред и по враќањето во Белата куќа. Премиерата се одржа во Трамп Кенеди центарот во Вашингтон, а филмот е дебитантски проект на новата продукциска куќа на Меланија, Muse Films.
Документарецот, режиран од Брет Ратнер и продуциран од Amazon MGM Studios, ги прикажува интимните моменти на првата дама – од животот во Трамп Кула во Њујорк до имотот Мар-а-Лаго во Флорида – и ја следи нејзината работа зад сцената во Белата куќа. Фокусот е на нејзините филантропски активности, семејниот живот и посветеноста кон улогата на прва дама.
На премиерата, Доналд Трамп не можеше да сокрие задоволството од сопругата. „И јас тоа го забележав – таа е поотворена во овој мандат. Направи одлична работа, многу е популарна и почитувана“, изјави тој, потенцирајќи дека времето ја прави поотворена и самоуверена.
Меланија, пак, во интервју за Фокс дигитал, откри дека нејзиниот пристап останува внимателно селективен: „Секогаш бирам што и кога зборувам. Сум фокусирана на мисијата и акцијата. Првата година во мојата канцеларија беше многу успешна, и горда сум на постигнатото.“
