Во текот на 2025 година, ТТК Банка АД Скопје го потврди своето место на пазарот со солидни финансиски резултати и стабилна стратегиска насока. Банката успеа да ги усогласи своите цели со динамичните макроекономски услови, обезбедувајќи континуирана вредност за клиентите, вработените и акционерите.
Според завршните податоци за годината, ТТК Банка оствари нето добивка од 90 милиони денари. Оперативните приходи достигнаа 583,5 милиони денари, додека оперативните трошоци изнесуваа 469,8 милиони денари. Во меѓувреме, исправките на вредноста на финансиските средства на нетооснова изнесуваат 10,7 милиони денари, што ја потврдува финансиската стабилност и способност да се справи со променливите пазарни услови.
Резултатите од 2025 година ја истакнуваат успешната имплементација на деловната политика и финансискиот план на банката, како и нејзината посветеност кон долгорочен развој и сигурно управување со финансиските ризици.
