Американски патролен авион за противподморничко извидување „Боинг П-8А Посејдон“ бил забележан како лета над неутралните води на Персискиот и Оманскиот Залив, во близина на иранската граница, во услови на засилени извидувачки активности на САД во регионот.
Според неименуван извор од контролата на воздушниот сообраќај, кој зборувал за руските медиуми, авионот се движел во непосредна близина на иранскиот воздушен простор, на височина од нешто повеќе од 6.000 метри, а полетал од аеродром во Бахреин, пренесува ТАСС.
Истиот извор потсетува дека во изминатите денови во истиот регион било регистрирано и американско беспилотно летало од типот „Нортроп Груман МК-4Ц Тритон“, наменето за долготрајно надгледување на големи копнени и морски површини.
Според наводите, беспилотното летало извршувало извидувачки мисии во траење од 10 до 15 часа дневно и има способност, меѓу другото, да обезбедува поддршка и полнење гориво за летала како „Боинг П-8А Посејдон“, што укажува на засилено американско воздушно присуство во чувствителниот регион.
