Возачите и пешаците ќе се соочат со нов сообраќаен режим низ Општина Центар, кој ќе трае до 23 септември 2026 година. Причината се интензивни градежни активности на улицата Тодор Александров, во близина на бројките 11 и 12, каде се работи на целосна изградба на коловоз и комунална инфраструктура.
Станува збор за дел од улицата која се надоврзува на булеварот Мајка Тереза (поранешна „Водњанска“), веднаш по училиштето „Кочо Рацин“, на патот кон Водно. Според Град Скопје, градежните работи се извршуваат по одобрение за временa изменa на сообраќајот (бр. 15-12450/4 од 13 јануари 2026 година), издадено за овие активности.
ГД „Гранит“ АД Скопје ја информира јавноста дека градежните работи започнуваат од денес (2 февруари), со цел подобрување на инфраструктурата и создавање поуредена и безбедна сообраќајна мрежа за жителите и посетителите на општината.
Возачите се советуваат на внимателно движење и следење на поставената сигнализација, додека пешаците да ги користат обележаните патеки и алтернативни премини за време на градежните активности.
