Нестабилната атмосферска слика и понатаму ќе ја држи Македонија под влијание на влажен и активен временски бран. Во наредните денови ќе доминира променливо време, при што низ земјава ќе се редат нови врнежни епизоди – дожд во пониските предели, а снежна покривка на повисоките планински масиви. На одредени локации се очекуваат и силни поројни врнежи, што повторно го зголемува ризикот од надоаѓање на реките и појава на поплави, особено до крајот на неделата.
Иако времето ќе остане нестабилно, температурната слика ќе оди нагоре. Студени утра под нулата нема да има, а преку ден ќе преовладува поблаго време со температури кои на повеќе места ќе достигнуваат, па и ќе надминуваат 10 степени Целзиусови.
