Управата за јавни приходи (УЈП) ја известува јавноста дека стартува исплатата на повратот од скенираните фискални сметки за четвртото тримесечје од 2025 година преку апликацијата МојДДВ.
Вкупно, 526.123 граѓани треба да добијат поврат во износ од 924,5 милиони денари. До денес, веќе се исплатени 184,5 милиони денари, што стигна до 104.000 корисници. Исплатата се одвива постојано, како што УЈП ги обработува налозите и уплатува средствата на сметките на корисниците.
Меѓутоа, УЈП предупредува дека кај 5.292 корисници исплатата не може да се изврши поради внесена погрешна трансакциска сметка.
Апел до граѓаните: доколку не сте ја добиле сумата на вашиот поврат, веднаш проверете ги и ажурирајте ги податоците за трансакциската сметка во апликацијата МојДДВ. Само на тој начин УЈП ќе може да го изврши повратот без пречки.
