Од овозможување на динамични перспективи на церемонијата за отворање на игрите до поддршка на оперативниот дел за време на активностите, “Samsung“ помага за Светските Олимписки и Параолимписки Игри носејќи ги спортистите, фановите и заедниците поблиску до игрите
Скопје, 4 февруари 2026 година – Компанијата “Самсунг Електроникс“ (Samsung Electronics Co., Ltd.),Светски Олимписки и Параолимписки Партнер, денес информираше на кој начин ќе допринесе до поголема конекција на Олимписките и Параолимписките Зимски Игри Милано Кортина 2026 (Olympic and Paralympic Winter Games Milano Cortina 2026) интегрирајќи ја мобилната иновација и “Galaxy AI” во текот на целото олимписко искуство.
Имајќи предвид дека начинот на кој луѓето ги доживуваат Олимписките и Параолимписките Зимски Игри продолжува да еволуира и повеќе не е ограничено на една локација или еден телевизиски пренос, оваа промена е уште понагласена на Милано Кортина 2026, обликувана од географијата, дистанцата и различните домаќински локации. На овие XXV Олимписки игри Милано Кортина 2026, улогата на “Samsung” е фокусирана кон придонес за надминување на различностите користејќи технологија за да ги направи моментите од Милано Кортина 2026 поблиски и поповрзани за спортистите, фановите и големата заедница на Олимписките игри, преку технологии вградени низ сите оперативни активности за време на игрите, вклучувајќи:
Носење на динамичните перспективи од Церемонијата за отворање на игрите, преку интеграција на директен пренос: Со поддршка од Олимписките Сервиси за Пренос (Olympic Broadcasting Services – OBS), на Церемонијата за отворање за да се доловат динамичните перспективи, заедно со камерите за пренос, ќе бидат употребени Galaxy S25 Ultra уредите, што ќе придонесе за зголемување на покритието на настанот и ќе го надополни целиот продукциски процес.
Овозможување на непречена комуникација за волонтерите на самата локација: Избрана група на волонтери ќе бидат опремени со Galaxy уреди со функцијата “Interpreter“, поддржана од Galaxy AI, за да може да комуницираат со спортистите, организаторите и посетителите со леснотија. Со преводи процесирани директно на уредот, искуството останува брзо и сигурно низ различните и распределени средини на Милано Кортина 2026.
Поддршка на официјалното судење и мониторинг на натпреварите за фер игра: “Samsung“ монитори ќе бидат поставени на траките за брзо лизгање, обезбедувајќи високо квалитетни екрани за поддршка на оперативните потреби.
Одржување на уредите на фановите поддржани со Galaxy Станици за полнење: “Samsung“ ќе ги поддржи уредите на своите корисници со овозможување на нивно полнење за време на долгите натпревари, придонесувајќи да останат поврзани за време на Олимписките и Параолимписките Зимски Игри.
Поврзување на спортистите, медиумите и партнерите за време на раскажување на приказните во “Samsung“ Куќата: “Samsung“ ќе биде домаќин на посебен центар каде што корисниците ќе можат заедно да ја доживеат приказната за технолошката иновација на “Samsung“ на Олимписките Игри и да споделат моменти, перспективи и разговори, како дел од ритамот на Игрите.
“Во срцето на улогата на ’Samsung’ во Милано Кортина 2026 стои јасна амбиција: да се поврзат спортистите и фановите во секој момент и да ги потсетиме сите дека Олимписките игри се, пред сѐ, за луѓето”, изјави Стефани Чои (Stephanie Choi), Извршен потпретседател и Раководител на Центарот за Мобилен маркетинг, Бизнис за Мобилни искуства (Mobile eXperience – MX) во “Samsung Electronics”. ”Начинот на кој публиката денес ги гледа, споделува и доживува Олимписките и Параолимписките Игри продолжува да се менува. Затоа, мобилната технологија игра сѐ поважна улога во помагањето на спортистите, фановите и заедниците да останат поврзани и да се приближат до акцијата, емоциите и едни со други.”
Интеграција на преносот во живо на Церемонијата за отворање за овозможување динамични перспективи
За поддршка на искуството на Церемонијата за отворање на игрите, Galaxy уредите ќе бидат интегрирани низ целото продукциско опкружување за пренос во живо, овозможено преку, висококвалитетна камера и 5G конекција на Galaxy S25 Ultra.Сместени покрај веќе воспоставените камери за пренос, смартфоните се инсталирани на динамични локации, вклучувајќи ги крановите за камери над теренот и трибините, како и тунелите за влез на спортистите, безжично снимајќи импресивни перспективи од теренот во реално време, без да се наруши воспоставениот тек на преносот.
Покрај уредите, “Samsung“ е во блиска соработка со Интернационалниот Олимписки Комитет и Олимписките Сервиси за Пренос со цел да обезбеди непречено снимање со Galaxy уредите во целокупното опкружување за директен пренос.
Церемонијата за отворање на Милано Кортина 2026 ќе се одржи на 6 февруари, на стадионот “Сан Сиро“ каде ќе присуствуваат повеќе од 75.000 посетители. Над 3.500 спортисти од повеќе од 90 земји ќе влезат на стадионот за да го обележат официјалното отворање на Зимските Олимписки Игри. Преку блиска соработка со Олимпискиот сервис за пренос, со цел да се пренесе реален поглед на церемонијата за отворање со Galaxy, Samsung ќе помогне присутните на трибините да се поврзат со милиони други лица преку споделување на овој историски момент низ екраните и локациите ширум свет.
“Олимписките Игри се празнување на извонредноста и единството на луѓето, обединувајќи ги спортистите и публиката ширум светот” вели Јанис Ексархос (Yiannis Exarchos), Генерален директор на “OBS“. ”Свеченото отворање го отелотворува тој дух, а преку нашето партнерство со ’Samsung’ можеме да доловиме динамични перспективи што ја надополнуваат нашата основна бродкаст покриеност. Со прифаќање на наменско мобилно раскажување приказни и начинот на кој милиони фанови ги доживуваат игрите преку своите паметни телефони, им помагаме на гледачите ширум светот да се почувствуваат поблиску до енергијата и емоциите на овој историски момент.”
Поддршка на волонтерите, оперативните активности и Игрите – Временско искуство
Покрај Церемонијата за отворање на игрите, иновацијата на Galaxy ги поддржува секојдневните оперативни активности кои ќе помогнат Милано Кортина 2026 да се одвива непречено низ сите објекти и домаќински локации.
Избрана група волонтери низ Олимписките игри ќе биде опремена со Galaxy уреди со функцијата “Interpreter“, поддржана од Galaxy AI, со цел да се поддржи природната комуникација помеѓу спортистите, официјалните лица и посетителите на различни јазици. Со превод што се обработува директно на уредот, функцијата “Interpreter“ овозможува брзи и интуитивни разговори и им помага на волонтерите да се фокусираат на создавање пријатно искуство насочено кон луѓето за време на игрите.
“Додека се подготвуваме за географски најраспространетите Зимски Олимписки Игри во историјата, улогата на технологијата се менува од едноставна алатка во самата основа која ја поврзува нашата визија во една целина”, изјави Андреа Вајнер (Andrea Varnier), Генерален директор на Милано Кортина 2026. “Иновациите на ’Samsung’ се од суштинско значење за премостување на растојанијата меѓу нашите локации, трансформирајќи ја огромната територија на Милано Кортина 2026 во една единствена, обединета арена. Овие најсовремени решенија не само што ги поддржуваат нашите оперативни активности , туку и го редефинираат начинот на кој светот го доживува духот на игрите, обезбедувајќи човечката поврзаност да остане во срцето на оваа дигитална трансформација.”.
Дополнително, Galaxy Станиците за полнење на стадионите низ градовите домаќини ќе им помагаат на гледачите за време на долгите натпреварувачки денови, придонесувајќи ретките и значајните моменти од Олимписките и Параолимписките Игри да се непречени на самите локации. Оваа практична поддршка им овозможува на луѓето да останат присутни и вклучени во моменти кои се случуваат само еднаш во 4 години.
Во рамките на натпреварувачките локации, технологијата на “Samsung“ќе ги поддржува судењето и оперативните процеси. “Samsung“ мониторите ќе бидат распоредени во дисциплините на брзо лизгање на кратки патеки, обезбедувајќи висококвалитетни екрани за поддршка на оперативните потреби.
“Samsung“ Куќа: Централен хаб за поврзување, раскажување приказни и заеднички искуства
Лоцирана во историската Палата Сербелони во Милано, “Samsung“ куќата овозможува поставка каде гостите може да ја искусат историјата на технолошката иновација на “Samsung“ на Олимписките Игри, преку доближување на наследството на иновациите на “Samsung“ и начинот на кој тие оживуваат на теренот во Милано како дел од ритамот на Олимписките Игри, наспроти стандарден приказ.
За време на Милано Кортина 2026, “Samsung“ Куќата ќе биде домаќин на програма која поттикнува интеракција и заеднички моменти. Активностите ќе вклучуваат вечери на Националните Олимписки Комитети, пренос во живо од натпреварите и изложби од серијата портрети “Победнички Профил“ (Victory Profile), создавајќи можности спортистите, партнерите и медиумите да се соберат, да споделат перспективи и да го прослават духот на Олимписките и Параолимписките Зимски Игри. Надополнувајќи ја оваа атмосфера, “Samsung“ Куќата ќе понуди и угостителски моменти со италијански готвач со Мишелин ѕвезда – Енрико Бартолини (Enrico Bartolini), додавајќи чувство на локална култура и топлина.
“Samsung“ куќата официјално ќе се отвори на 4 февруари и ќе работи за време на Зимските Олимписките Игри, до 22 февруари. Воедно, “Samsung“ куќата повторно ќе се отвори за време на Параолимписките Зимски Игри, од 6 до 15 март. Во овој период, ќе функционира како простор со пристап само со покана, создавајќи наменска средина за значајни поврзувања за време на Игрите.
Додека “Samsung“ гледа кон иднината, Милано Кортина 2026 претставува важна фаза во партнерството дефинирано од иновации, зајакнување на спортистите и континуирана еволуција на начинот на кој глобалната публика ги доживува Олимписките и Параолимписките игри. Преку најновата Galaxy технологија, “Samsung“ продолжува да ги доближува Олимписките и Параолимписките зимски игри Милано Кортина 2026, поддржувајќи ги спортистите од подготовките до подиумот и приближувајќи ги навивачите до енергијата, креативноста и емоциите на најславниот зимски спортски настан во светот.
