Статија објавена во весникот Нова Македонија во 1945 година, од страна на д-р Павел Шатев, првиот министер за правосудство во Македонија во рамки на Југославија и еден од најблиските пријатели и соработници на Гоце Делчев.
Во омажот за Гоце Делчев, Шатев со должна почит говори за делото на Гоце Делчев, но и ги запишува важните биографски податоци за неговиот живот. Со тоа, дава државотворен елемент на историското значење од делото на Гоце Делчев. Воедно тој открива и непознати детали за тогашната јавност, од животот на Делчев, неговото револуционерно дејствување, но и смртта, која Шатев ја опишува како борба за каузата до последниот здив.
42 години подоцна, Шатев уште се сеќавал на прераскажувањето за тоа како Гоце Делчев плачел во моментот кога бил застрелан, алудирајќи за тешката судбина што ја чека Македонија по неговата смрт и смртта на неговите соборци.
Денеска се навршуваат 154 години од раѓањето на Ѓорѓи Николов Делчев, попознат како Гоце Делчев македонски национален херој, учесник во македонското револуционерно движење, деец на Македонската револуционерна организација, апостол и срцето на револуционерна Македонија, идеолог, организатор и водач на македонското револуционерно националноослободително движење кон крајот на XIX и почетокот на XX век.
….
