Американскиот претседател Доналд Трамп пред јавноста изјави дека рускиот претседател Владимир Путин „го држи зборот“, откако руските сили една недела не ја гаѓале Украина, и покрај тоа што оваа година Москва веќе започна еден од најмасовните ракетни и беспилотни напади врз Киев. „Една недела е мир. Ќе прифатиме сè, бидејќи сега е навистина студено таму“, рече Трамп, додавајќи дека би сакал паузата да продолжи.
Од друга страна, украинскиот министер за надворешни работи, Андриј Сибиха, извести дека Русија ноќта претходно извршила масовен напад со над 450 беспилотни летала и повеќе од 60 ракети, вклучувајќи балистички проектили, погодувајќи енергетски и станбени објекти во Киев, Днепар, Харков, Суми, Одеса и други градови. Нападот се случил и покрај екстремно ниските температури кои надминале 20 степени под нулата.
Сибиха на својот профил на X обвини дека Москва намерно чекала пад на температурите за да го погодат украинскиот енергетски систем. Според него, ниту планираните дипломатски разговори во Абу Даби, ниту меѓународните ветувања кон САД не го застанале Путин во продолжувањето на „теророт врз цивилите за време на најсуровата зима“.
