Висок офицер на грчкото воздухопловство е уапсен под сомнение дека пренесувал класифицирани информации до кинеската разузнавачка служба. Според истрагата, осомничениот имал пристап до „исклучително чувствителни информации на НАТО“, меѓу кои податоци за движење на трупи и доверливи планови на Алијансата.
Офицерот бил распоредeн во единица поврзана со комуникациски и електронски системи, што му овозможувало увид во податоци за воени операции не само на Грција, туку и на останатите земји членки на НАТО.
Надлежните служби дополнително проверуваат сомнежи дека осомничениот се обидел да регрутира и други припадници на војската. Истрагата е во тек, а грчките власти најавуваат дека случајот ќе биде целосно расчистен во соработка со партнерските служби.
