Министерството за социјална политика, демографија и млади ја известува јавноста дека денеска, 6 февруари 2026 година, официјално започна исплатата на паричните надоместоци за социјална, детска и цивилна заштита за месец јануари.
Граѓаните кои веќе поседуваат дебитни картички ќе можат веднаш да ги користат своите средства: дали за подигање готовина на банкоматите, за плаќање во продажните објекти или преку електронско и мобилно банкарство.
За корисниците кои сè уште не користат картички, средствата ќе бидат достапни во сите отворени филијали и експозитури на банките, со што се овозможува непречен и лесен пристап до финансиските права на граѓаните.
