Македонската таеквондистка Милијана Релиќ продолжува да реди успеси на меѓународната сцена, овојпат освојувајќи бронзен медал на престижниот Австрија Г-1 Опен во Инсбрук. Со ова настапување, таа уште еднаш ја потврди својата извонредна форма и упорност, покажувајќи дека спаѓа меѓу најдобрите во категоријата до 62 килограми.
Релиќ стартуваше со убедливи победи: прво ја совлада сенегалската репрезентативка, Фатима Менди, со две рунди од по 5:0, а потоа и украинката Марија Леонова, исто така со 2:0. Највозбудливиот момент за македонската таеквондистка дојде во третото коло, каде во драматична и исцрпувачка борба го совлада хрватската претставничка Хелена Кичема со тесни 2:1 рунди, обезбедувајќи си го местото на подиумот.
Во полуфиналето, Релиќ загуби од силната полска натпреварувачка Јулија Шпак со 0:2, но ова не ја намали вредноста на нејзиниот настап. Со освоените 3,60 поени за светската и олимписката ранг-листа, Милијана се очекува на мартовското рангирање да влезе меѓу топ 10 најдобри женски таеквондистки во светот.
