Повеќе населени места во тетовскиот регион утре, 10 февруари 2026 година, ќе останат без електрична енергија поради планирани работи на електродистрибутивната мрежа, информираат од Електродистрибуција на Македонија.
Според најавата, без струја ќе бидат делови од селата Горњо Седларце, Урвич, Пирок и Желино. Прекинот во Горњо Седларце е планиран во периодот од 09:00 до 14:00 часот и ќе опфати повеќе локации, меѓу кои трафостаниците „Меваип Јакупи“, „Циле Бау“, како и дел од селото кон училиштето.
Во селото Урвич, дел од населението ќе биде без електрична енергија од 09:20 до 14:00 часот, додека во Пирок прекинот е најавен од 11:00 до 12:00 часот и ќе ги опфати објектите кај трафостаницата „Зеди Пирок“.
Поголем дел од селото Желино ќе биде без струја од 11:00 до 15:00 часот, при што се опфатени објекти кај приватните трафостаници „Хилдинг“, „Гони Магазин“, „Млин Желино“, како и реонот од центарот на селото и каменоломот „Магал Кифер“.
Од Електродистрибуција апелираат граѓаните навремено да ги прилагодат своите обврски и нагласуваат дека прекините се со цел подобрување на квалитетот и сигурноста на електроснабдувањето.
