Унгарскиот министер за надворешни работи, Петер Сијарто, изнесе остри критики кон европските лидери, тврдејќи дека нивниот став спречил потенцијално брзо решавање на војната во Украина. Во интервју за грузискиот телевизиски канал Рустави 2, Сијарто оцени дека доколку не биле „обструкциите“ на Европа, мировните напори на тогашниот американски претседател Доналд Трамп би можеле да завршат со конфликтот во рок од околу една година.
„Од самиот почеток, Европејците ја сметаа оваа војна за своја. Ги слушате зборовите: ’Ова е наша војна’. Но, тоа не е нивна војна“, нагласи шефот на унгарската дипломатија. Според него, европските земји се водат од „воен фанатизам“ и немаат вистинска заинтересираност за постигнување договор меѓу Русија и САД.
Сијарто посочи дека Европската унија и западноевропските влади „отворено ги поткопуваат“ мировните иницијативи, и дека не е во нивен интерес конфликтот да заврши со сеопфатен договор кој би донел мир во Украина.
