Се најавува времено ограничување на сообраќајот во општината Чаир поради изградба на улицата Лазар Трпевски, попозната како улица Ферид Мурат. Од Градежното друштво „Гранит“ АД Скопје информираат дека измените се воведуваат согласно одобрението за привремен сообраќаен режим, издадено од Град Скопје на 2 февруари 2026 година.
Новата организација на сообраќајот ќе важи речиси една година, од 9 февруари 2026 до 2 февруари 2027 година, додека траат градежните активности. Граѓаните се предупредуваат на можни застои и се охрабруваат да ја следат сообраќајната сигнализација и алтернативните патни правци за да ја избегнат непотребната загуба на време.
