Денес се очекува променливо облачно време со услови за повремени слаби врнежи од дожд. Во текот на претпладнето, дождот на повисоките места ќе преминува во снег, додека ветерот ќе биде слаб до умерен. Попладне, долж Повардарието, ќе се почувствува засилување на југоисточниот ветер. Температурите ќе се движат од 0 до 6 степени во раните часови, додека дневните максимуми ќе се искачат до 10 степени.
Во главниот град, денот ќе започне со претежно облачно небо и услови за слаб дожд. Ќе дува слаб до умерен југоисточен ветер, додека температурите ќе се искачуваат од 4 до 9 степени.
Претстојната недела ќе донесе продолжено облачно време со повремени врнежи, кои на планините ќе преминуваат во снег. Локално, врнежите ќе бидат пообилни, а до сабота ќе се задржи дување на југоисточен и југозападен ветер. Во недела, ветерот ќе го промени правецот и ќе се интензивира од север, прогнозираат од УХМР.
