Водостојот на Охридското Езеро денес бележи повисоки вредности од вообичаеното за февруари. Нивото на водата достигна 693,55 метри надморска височина, што е за 16 сантиметри над просекот за овој месец, кој изнесува 693,39 метри.
Причина за повисокото ниво се продолжените и обилни врнежи од дожд и снег во последниот период, кои значително ја подобрија хидролошката состојба во регионот.
И покрај порастот на водостојот, температурата на езерската вода се движи во рамките на очекуваното – 6,5 степени Целзиусови, што е идентично со просекот за февруари.
