Дени Мусовски ќе го засили националниот тим на Македонија, откако прифати да настапува за нашата репрезентација. Според информациите на „СпортСпорт“, тој веќе пристигнал во Скопје и ја започнал постапката за итно добивање македонски пасош.
По комплетирањето на документацијата и издавањето на пасошот, Фудбалската федерација ќе испрати официјално барање до ФИФА за промена на спортското државјанство. По добивањето на потребното одобрение, Мусовски ќе може и официјално да настапи за националниот тим.
Триесетгодишниот напаѓач е роден во Соединетите Американски Држави и целата своја професионална кариера ја минува во МЛС-лигата. Минатата сезона во дресот на Сиетл Сандерс одигра 34 натпревари и постигна 16 погодоци, со што се наметна како еден од поефикасните напаѓачи во тимот.
